Na aña 1965 Shell Curaçao ta regala pueblo di Kòrsou un Parke di Tráfiko. VVV/ATSK ta keda responsabel pa mantenshon i maneho di e Parke. Shell Curaçao ta duna tambe un kantidat di outo di pedal i baiskel. Esaki ta habri kaminda pa risibí skolnan, klas 5, pa praktiká reglanan di tráfiko. Te awe klasnan 5 di tur skol básiko di Kòrsou ta bishitá e Parke dos biaha pa aña. Nan ta haña oportunidat pa práktika den Parke den outo i/o baiskel i tambe den e lokal di lès, kaminda nan por wak video, hasi weganan di tráfiko, ètseterá.

Tambe Parke ta risibí bishita di skolnan speshal i skolnan preparatorio.

Ademas di esaki por hasi fiesta di mucha den e parke.