Parke di tráfiko habrí pa muchanan (karakter edukativo)

• 14 Aprel - 17 aprel di 8.30 – 12.00 or

• 29 jùni - 24 jùli di 8.30 – 12.00 or

• 05 òkt - 09 òkt. 8.30 – 12. 00 or

• 29 novèmber 9.00 - 17.00 or (den kuadro di dia di mucha)

Entrada: Naf 2,00 pa mucha

Aktividat den parke privá speshal pa mucha Hinter aña.
Orario den siman:

• 15.00 or pa 17.00 or

Den wikent orario ta :

• 10.00 or pa 12.00 or

• 15.00 or pa 17.00 or

Kosto: Fl. 150,00

Eksamen di tráfiko pa Enseñansa di Fundeshi (grupo 7). Ku koperashon di MCB esaki ta dia 1 jûni 2010 di 08.00 or – 08.45 or.

Kurso pa optené e diploma “ Veilig Verkeer”.

• E kurso aki ta keda organisá dos biaha pa aña i tin un durashon di dos luna.

• Lèsnan lo ta riba djaluna i djarason di 19.00 or pa 21.00 or

• Kosto ta Nafl 250,00

• Fecha: 2 febrûari i 2 sèptèmber

Fundraising

• Bon Ku Ne
  11 òktober 2009
  Karchi 50,00 pa 25 wega
  Ora: 15.00 – 18.00
   

• Kaminata
  Oktober/novèmber
  Ruta i konrtibushon lo keda partisipá despues.

Komunikado di prensa relashoná ku tópikonan di seguridat òf situashonnan peligroso den tráfiko
Na momento ku esaki ta rekerí.

Proyekto “Traffic Informers”
E proyekto aki a inisiá na Hulanda. Ta un proyekto kaminda ta prepará personanan ku a keda gravemente leshoná despues di un aksidente di tráfiko, pa medio di un “training” speshal, por konta nan eksperensha i tambe duna konseho na speshalmente studiantenan di skolnan sekundario. A keda prueba ku esaki ta trese un impakto riba esnan ku a skucha eksperensha di esun ku a keda heridá ku nan lo ta bai mas kouteloso den tráfiko i ta tene mas kuenta ku otro den tráfiko.

Ta den intenshon di ATSK ku konhuntamente ku e inisadónan di e proyekto aki I “ Antillenhuis” , kuminsá sondea e posibilidat pa introdusí e proyekto aki tambe na kòrsou.

Ya kaba kontaktonan a keda hasí pa kuminsá traha riba e proyekto aki. Pa e proyekto aki por keda realisá na Kòrsou, mester enbolbí diferente instansha aserka manera GGD, gobièrnu i instanshanan privá pa yudansa finansiero. ATSK ta purba pa durante e aña aki yega asina leu ku pa den e próksimo aña eskolar, 2009/2010, e proyekto aki por drenta skol.

Proyekto ”Motosiklista ehemplar”
Durante aña 2008, pueblo a eksperensha ku konstantemente tin ponementu di “fever” ku bròmer na diferente sitio aki na Kòrsou.

Mirando ku ponementu di “fever” por trese no solamente bida di e motosiklista pero tambe di sentenares di públiko ku ta pará kantu di kaminda den peliger, ATSK lo tuma e inisiativa di aserká e diferente klup di motosaikel, ku ta kore motosaikel komo hòbi, pa konhuntamente purba di motivá esnan ku ta tuma pa kustumber di pone “fever” ku esaki ta un aktividat hopi peligroso.

Konhuntamente lo duna e proyekto aki mas kontenido. Tambe mester aserká e diferente kasnan komersial pa un yudansa finansiero.

Si tur kos kana segun plan,ATSK ta spera ku pa den e di dos mitar di aña 2009 lo start ku e kampaña aki.

Tradukshon di e método di tráfiko pa Enseñansa di Fundeshi na papiamentu.
E aktual método di tráfiko pa Enseñansa di Fundeshi , editá pa ATSK, ta na Hulandes. Debí ku un kantidat di skol di Fundeshi a opta pa e idioma vehíkulo tan a Papiamentu, ATSK lo bai traha riba tradukshon di e método aki na Papiamentu.

Esaki ya a keda tradusí na Ingles kaba.

Ta den intenshon di ATSK pa despues ku e tradukshon keda realisá, aserká AMFO pa medio di un “ projectdossier” pa finansiamentu.

ATSK ta hasi tur lokual ku ta posibel pa promé ku e ultimo kuartal di 2009 e “ projectdossier” keda entregá na AMFO.